Գրական իրարանցում Newmag-ում. թիմը «Բարի լույսում» ներկայացրել է Գրքի և արվեստի փառատոնը (տեսանյութ)

«Բարի լույս» ծրագրում հյուրընկալվել և փառատոնի մասին պատմել են Newmag հրատարակչության կորպորատիվ և միջազգային գործակցության ղեկավար Նանե Մանուկյանը, Ռազմավարական և հատուկ նախագծերի ղեկավար Գոհար Մանուկյանը, Մուլտիմեդիա բովանդակության պատասխանատու Մանու Իրիցյանը, McCann Yerevan ընկերության փոխտնօրեն Իրինա Չալտիկյանը և փառատոնի գլխավոր հովանավոր Business Park-ի մարկետինգի բաժնի ղեկավար Վալյա Եղիազարյանը։

Հրատարակչության Կորպորատիվ և միջազգային գործակցության ղեկավար Նանե Մանուկյանը ներկայացրեց Արցախցի հեղինակների մրցույթը, որը հրատարակչությունը հայտարարել էր «Թովմասյան» հիմնադրամի հետ ուղիղ մեկ տարի առաջ Ձմեռային փառատոնին։ Հաղթողը Հերմինե Ավագյանն է. 

«Փետրվարի 16-ին Դվին հյուրանոցում կլինի հաղթող գրքի շնորհանդեսը։ «Հրաժեշտի աչքերը» պատմվածքների ժողովածու է Արցախի հայաթափման ու գաղթի ճանապարհի մասին, որի միջով անցել են մեր հայրենակիցները։ Մյուս արցախցի հեղինակը, որի գիրքը ներկայացնում ենք, լրագրող Ծովինար Բարխուդարյանի «Վերջին կարմիր շրթներկը» վավերագրությունն է։ Հարմինեի գիրքը գեղարվեստական է, Ծովինարի գիրքը տասներկու տարբեր կանանց ցավոտ, սթափեցնող իրական պատմություններ են։ Երկու գրքերի գործընկերն էլ «Ամրոց» հիմնադրամն է»։ 

Նանե Մանուկյանը պատմեց, որ հրատարակչությունն իր փառատոներին ներկայացնում է ոչ միայն նոր գրքեր, հանդիպումներ հեղինակների հետ, այլ նաև արվեստի ամենատարբեր ճյուղերը. «Մենք փառատոնին ներկայանում ենք ոչ միայն գրքեր, այլ նաև ցուցահանդեսներ, պոետիկ ներկայացումներ, համերգ։ Մեզ համար սկզբունքային է, որ փառատոնի ու բոլոր միջոցառումների մուտքն ազատ լինի։ Նախորդ տարվա փորձը ցույց տվեց, որ մոտ տասնհինգ հազար մարդ մասնակցել է փառատոնին, գնել է գրքեր, սա նշանակում է, որ մարդիկ ուզում են մասնակցել նման միջոցառումների»։

Փառատոնի գլխավոր հովանավորներից մեկը Samsung ընկերությունն է իր նոր Galaxy S 25 AI հեռախոսով։ McCann Yerevan ընկերության փոխտնօրեն Իրինա Չալտիկյանը պատմեց, որ իրենց ընկերությունը փառատոնին կներկայանա նաև տաղավարով, որտեղ շատ հետաքրքիր անակնկալներ են սպասվում։ Իրինա Չալտիկյանը ցույց տվեց հեռախոսները ու ներկայացրեց, թե ինչ նոր ֆունկցիաներ ունեն դրանք. 

«Այս հեռախոսները դեռ վաճառքում չեն։ Սմարթֆոնները զինված են արհեստական բանականությամբ։ Այս գրքերը շատ օգտակար են նույնիսկ գրքերի թարգմանությա, խմբագրման համար։ Կարելի է նաև ձայնային կառավարմամբ տալ հրահանգ, ստեղծել պատկերներ, ստեղծել գրքի շապիկ։ Դա է պատճառը, որ մենք էլ միացանք այս փառատոնին։ Նախորդ անգամ ես փառատոնին ներկա եմ եղել, շատ տպավորված էի, այս անգամ ուրախ եմ, որ նաև կազմակերպիչ ենք։ Փառատոնին արհեստական բանականության ու հայկական տեխնոթռիչքի մասին պանելային քննարկում կլինի, որին կմասնակցի նաև մեր խոսնակը՝ Նարեկ Ամիրխանյանը»։

Newmag հրատարակչության Ռազմավարական և հատուկ նախագծերի ղեկավար Գոհար Մանուկյանը ներկայացրեց ևս մեկ գիրք ու մեկ ամսագիր, որոնց շնորհանդեսը լինելու է փառատոնի օրը. 

«Առաջին անգամ հրատարակվել է Ավետ Բարսեղյանի բանաստեղծությունների ժողովածուն։ Շնորհանդեսից հետո հայտնի աստղերը կընթերցեն պոտեի բանաստեղծությունները։ Բացի այդ, կլինի նաև Newmag-ի, Արևիկ Ուդումյանի ու «Բուրմունք»-ի համատեղ արտադրանքը՝ Դյութէ երկրորդ համարը։ Այս «Դյութէ»-ն շատ ավելի հագեցած է, նվիրված է մարմնի ամբողջ մաշկին՝ ձեռքերից, մինչև ոտքեր, դեմք ու մարմնի մյուս մասեր։ «Բուրմունք» ընկերության մասնագետները տեղում ցույց կտան իրենց նորարարական սարքը, որն ընդամենը մի քանի րոպեում կհետազոտի մաշկը, կասի, ինչ տեսակի է այն, ինչ խնդիրներ ունի ու ինչ խնամք է պահանջում»։

Փետրվարի 16-ին, Դվին հյուրանոցում Newmag Winter Fest 2025-ը կտևի տասներկու ժամ։ Փառատոնի մեկնարկը կտա Սիմֆոնիկ նվագախումբը։ Հագեցած համերգային ծրագիր կա, ցուցահանդեսներ, արտ ինստալացիա առաջին հարկում։ Մյուս գիրքը, որի շնորհանդեսը կլինի այդ օրը, Սյունե Սևադայի «Արիության մետաղ» գիրքն է։ Հրատարակչության Մուլտիմեդիա բովանդակության պատասխանատու Մանու Իրիցյանը պատմեց, որ գիրքն ունի շատ հետաքրիքր, բազմաշերտ սյուժե. 

«Գրքում իրադարձությունները տեղի են ունենում 90-ականներից, մինչև մեր օրեր, տարբեր սերունդների մարդկանց, նրանց հարաբերությունների մասին են։ Գիրքը կհետաքրքրի տարբեր տարիքի ընթերցողների։ Փառատոնին մեր հրատարակչության բոլոր գրքերը կվաճառվեն մինչև 40 տոկոս զեղչով, որպեսզի գիրք նվիրելու օրն արդեն մասնակիցներն ունենան լավ նվերներ, գրքեր։ Առաջին հարկում մասնակիցները կարող են նաև տեսնել իրավաբան, նկարչուհի Մարինե Մանուկյանի կտավների ցուցահանդեսը։ Ազգային գրադարանը փառատոնին կներկայանա «Բանաստեղծական խցիկ» արտ-ինստալացիայով, որը ոգեկոչում է արևմտահայ բանաստեղծներին»։

Փառատոնի մյուս գլխավոր հովանավորը Business Park-ն է։ Մարկետինգի բաժնի ղեկավար Վալյա Եղիազարյանն ասում է, որ իրենց ընկերությունը հետաքրքրված է մշակույթով, արվեստով ու գրականությամբ, ինչպես համաշխարհային, այնպես էլ հայկական. 

«Սյունե Սևադայի նոր գիրքը առիթ էր մի փոքրիկ ներդրում ունենալ հայ ժամանակակից գրականության մեջ։ Business Park-ը շուտով կունենա նաև գրադարան, որտեղ կլինեն հետաքրքիր միջոցառումներ, շնորհանդեսներ»։ Business Park-ը Newmag Winter Fest-ին կունենա նաև տաղավար, որտեղ կլինի ֆոտոզոնա ու հետաքրիքր նվերներ փառատոնի մասնակիցների համար»։

WINTER FEST 2025-Ի ԾՐԱԳԻՐԸ

Մուտքն ազատ է։ 

• Փառատոնի Համակազմակերպիչ
  

«Թովմասյան» բարեգործական հիմնադրամ

• Գլխավոր հովանավորներ
  

Արդշինբանկ

Սամսունգ

«Պրոֆալ» ընկերություն

Բիզնես պլազա

Սինեմասթար Արմենիա

• Հովանավորներ
  

Ինդիգո բրենդինգ

Schweppes ապրանքանիշ

Կարդացեք նաև

• Newmag Winter Fest-ին կցուցադրվի նկարիչ Գոհար Սարգսյանի «Պոետիկ երկխոսություն» խորագրով արտ-ինստալացիան (լուսանկարներ)
• Սինեմա Սթար կինոթատրոնների ցանցը միացել է Newmag Winter Fest-ին՝ դառնալով փառատոնի գլխավոր հովանավոր
• Newmag-ը Գրքի և արվեստի ձմեռային փառատոնին կներկայացնի Սյունե Սևադայի «Արիության մետաղ» վեպը (թրեյլեր)
• Newmag-ը գրքի և արվեստի ձմեռային փառատոնին կներկայացնի Ծովինար Բարխուդարյանի «Վերջին կարմիր շրթներկը» գիրքը (թրեյլեր)
• Newmag-ը գրքի և արվեստի ձմեռային փառատոնին կներկայացնի Հերմինե Ավագյանի «Հրաժեշտի աչքերը» պատմվածքների ժողովածուն (թրեյլեր)
• Business Park-ը՝ Newmag Winter Fest 2025-ի գլխավոր հովանավոր (լուսանկարներ)
• Խելքս տված արվեստին՝ սպասում եմ Winter Fest-ին /փառատոնի մշակութային ծրագիրը