Ֆերնանդո Արամբուրուն «Հայրենիք» վեպում ներկայացրել է մարդկանց խղճի ճգնաժամն ու խորը անտարբերությունը

Մռայլ և կլաուստրոֆոբ պատկեր, որ տարածվել էր ամբողջ Իսպանիայում, ուներ մեկ թշնամի՝  ETA ահաբեկչական խմբավորումը: Այդ դաժան, խստաշունչ իրականությունը գրողը փորձել է փոխանցել իր «Հայրենիք» վեպում:  Իսպանական պետության և բասկերի անկախության կողմնակից ահաբեկչական խմբի միջև երկարատև, դաժան պատերազմի, մարդկային զոհերի մասին Ֆերնանդո Արամբուրուն ներկայացնում է հոգեբանական և բարոյական առանցքներով:

Ինչպես գրում է Արամբուրուն վեպում, 1968թ.-ից մինչև 2011թ.-ը մշտական զինադադարի ընթացքում «ահաբեկչական մեքենան» իրականացրել է հարյուրավոր քաղաքական սպանություններ։ Սան Սեբաստիանի մոտ գտնվող գյուղում, որտեղ Արամբուրուն ներկայացնում է իր վեպի բուն գործողությունները, տեղացիներն այդ հակամարտությունը, ասես, կրում են իրենց գեներում: Ու երբ երկրում մոլեգնում է պատերազմը, ամենուր արյունահեղություններ են, շուրջբոլորը մարմնի մասեր, ծնողները հայհոյում են իրենց երեխաներին, ամուսիններն ատում են մեկմեկու:

Ժամանակի շունչն ու երկրի ապոկալիպսիսը ներկայացնելու համար Արամբուրուն ընտրել է երկու ընտանիք: Մի քանի սերունդ, որոնց մեջ արմատացած թշնամությունը տարիների ընթացքում չի էլ  թեթևացել: Իր հերոսներին ու նրանց հոգեվիճակը գրողը հաճախ ներկայացնում է ստատիկ պատկերով՝ գործողությունները դանդաղ են զարգանում, ինտրիգ չկա ու նրանց կյանքի ձանզրույթն այնքան ակներև է, որ այդ զգաղոցությունը փոխանցվում է նաև ընթերցողին:  

Չափազանց ծանր, դեպրեսիվ այս գործը մեծ տարածում գտավ Արամբուրուի հայրենիքում. «Հայրենիքը» կարդաց նախ ամբողջ Իսպանիան, ապա թարգմանվեց ու տարածվեց աշխարհի բազմաթիվ երկրներում: Գրքում բացահայտվում է բասկյան ապստամբության հետևանքները՝ Հեղինակը հակամարտության որևէ կողմին չի արդարացնում կամ դատապարտում։ Նա ի ցույց է դնում մարդկանց ողբերգությունն ու դա հաղթահարելու ճանապարհը, միաժամանակ ընթերցողին ստիպում է խորհել բռնության, բարեկամության և բարոյական ընտրության հարցերի շուրջ:

Կարդացեք նաև

• Newmag Summer Fest-ին տեղի կունենա իսպանացի ամենահայտնի գրող Ֆերնանդո Արամբուրուի «Հայրենիք» էպիկական վեպի շնորհանդեսը (թրեյլեր)
• Խճճված ճակատագրերն ու բարդ հարաբերությունները՝ իսպանական ժամանակակից բեսթսելլերում (տեսանյութ)
• Ֆերնանդո Արամբուրու՝ գրական գլխավոր դեմքն Իսպանիայում (տեսանյութ)
• Ֆիլմում, ինչպես գրքում՝ ցավոտ թեմաները բարձրաձայնվում են լուռ բանավեճի միջոցով (տեսանյութ)
• Ինչ է գրել մամուլը ու ինչպես են արձագանքել գրաքննադատներն Արամբուրուի «Հայրենիք» գրքի մասին (տեսանյութ)
• 10 միտք իսպանական ժամանակակից բեսթսելլեր «Հայրենիք» վեպից