Միջազգային մարդասիրական համայնքը կմասնակցի «Ավրորայի» համահիմնադիր Վարդան Գրիգորեանին նվիրված հիշատակի միջոցառմանը

Այն կհամախմբի միջազգային մարդասիրական համայնքի ներկայացուցիչներին՝ հիշելու «Ավրորայի» համահիմնադիր եւ «Ավրորա» մրցանակի Ընտրող հանձնաժողովի անդամ, ամերիկահայ ականավոր մարդասեր Վարդան Գրեգորյանին՝ հզոր ուժի տեր մի մարդու, որն անսահման կարեկցանքի շտեմարան էր: Նա կյանքից հեռացավ 2021 թ. ապրիլին, որից հետո Հայաստանում անցկացվեցին մի շարք միջոցառումներ՝ նվիրված նրա անցած ուղուն եւ թողած ժառանգությանը: Առցանց միջոցառումն ուղիղ կհեռարձակվի «Ավրորայի» ֆեյսբուքյան էջերով՝ անգլերեն, հայերեն եւ ռուսերեն, հունիսի 5-ին՝ Երեւանի ժամանակով  18:00-ին: 

2015 թ. Վարդան Գրեգորյանը Նուբար Աֆեյանի եւ Ռուբեն Վարդանյանի հետ համահիմնադրեց «Ավրորա» մարդասիրական նախաձեռնությունը՝ Հայոց ցեղասպանությունը վերապրածների անունից՝ ի երախտագիտություն նրանց փրկողների: Նրա ջերմեռանդ նվիրվածությունը համընդհանուր մարդկայնության ուժին իսկապես ոգեշնչող էր, երախտագիտությամբ լեցուն ոգին նրա մարդկային բազմաթիվ որակներից մեկն էր, որը ջերմացնում էր նրան հանդիպած ցանկացած մարդու սիրտ: Իր կյանքի ընթացքում Վարդան Գրեգորյանը մեծագույն փոփոխություն բերեց, ու նրա կորուստը սգում են աշխարհով մեկ:

Կարդացեք նաև

• Կյանքից հեռացավ «միջոց հայթայթող հանճարն» ու «Ավրորայի խիղճը» (տեսանյութեր)
• Ինչ է գրում մամուլը Վարդան Գրեգորեանի «Տուն տանող ճանապարհը» գրքի մասին (տեսանյութ)
• Վարդան Գրեգորեանն ու «Ավրորան». ինչու և ինչպես ստեղծվեց նախաձեռնությունը
• Աշխարհահռչակ դեմքերն ընթերցում են Վարդան Գրեգորեանի «Տուն տանող ճանապարհը»
• Տեղի ունեցավ Վարդան Գրեգորեանի «Տուն տանող ճանապարհը» գրքի շնորհանդեսը
• Newmag-ը ներկայացնում է «Քարնեգի» հիմնադրամի լեգենդար նախագահի բացառիկ հուշերը (թրեյլեր)

Aurora Dialogues առցանց քննարկումը նվիրված կլինի Վարդան Գրեգորյանի անցած փառահեղ ուղուն՝ որպես «Ավրորա» մարդասիրական նախաձեռնության համահիմնադիր, մարդասեր, ուսուցիչ եւ մենթոր: Նրա մեծարման միջոցառումը կվարի «Վաշինգթոն փոսթ» օրաթերթի փոխխմբագիր եւ սյունակավար Դեյվիդ Իգնաթիուսը, որին կմասնակցեն բազմաթիվ բանախոսներ՝ ներառյալ «Ավրորայի» համահիմնադիրները, «Ավրորա» մրցանակի Ընտրող հանձնաժողովի անդամներ եւ «Ավրորա» մրցանակի դափնեկիրներ. 

• Դիանա Արսենյան՝ «Ավրորա» մարդասիրական նախաձեռնության գեղարվեստական խորհրդի անդամ, Նյու Յորքի «Կարնեգի» կորպորացիայի փոխնախագահ, Ռուսաստանի եւ Եվրասիայի ուղղություններով միջազգային ծրագրերի ղեկավար, 
• Նուբար Աֆեյան՝ «Ավրորա» մարդասիրական նախաձեռնության համահիմնադիր, Flagship Pioneering ընկերության հիմնադիր եւ գլխավոր գործադիր տնօրեն,
• Մարգարիտ Բարանկիցե՝ 2016 թ. «Ավրորա» մրցանակի դափնեկիր, «Խաղաղության տուն» (Maison Shalom) խնամքի տան հիմնադիր,
• Լեյմա Գբովե՝ «Ավրորա» մրցանակի Ընտրող հանձնաժողովի անդամ, Նոբելյան դափնեկիր, Աֆրիկայի Գբովեի խաղաղության հիմնադրամի հիմնադիր եւ նախագահ,
• Լորդ Արա Դարզի՝ «Ավրորա» մրցանակի Ընտրող հանձնաժողովի նախագահ, Լոնդոնի կայսերական քոլեջի Գլոբալ առողջապահական նորարարությունների ինստիտուտի տնօրեն, 
• Միրզա Դինայի՝ 2019 թ. «Ավրորա» մրցանակի դափնեկիր, «Լյուֆթբրյուքե Իրաք» (Օդային կամուրջ Իրաք) համահինադիր եւ տնօրեն,
• Շիրին Էբադի՝ «Ավրորա» մրցանակի Ընտրող հանձնաժողովի անդամ, Նոբելյան դափնեկիր, իրանցի իրավաբան եւ մարդու իրավունքների պաշտպան, Իրանի մարդու իրավունքների պաշտպանության կենտրոնի հիմնադիր, 
• Հինա Ջիլանի՝ «Ավրորա» մրցանակի Ընտրող հանձնաժողովի անդամ, Պակիստանի Գերագույն դատարանի փաստաբան, մարդու իրավունքների պաշտպան, Մարդու իրավունքների պաշտպանության ոլորտում ՄԱԿ-ի գլխավոր քարտուղարի նախկին հատուկ ներկայացուցիչ,
• Մերի Ռոբինսոն՝ «Ավրորա» մրցանակի Ընտրող հանձնաժողովի անդամ,  The Elders խմբի նախագահ, Իռլանդիայի նախկին նախագահ, ՄԱԿ-ի Մարդու իրավունքների հարցերով գերագույն հանձնակատար, 
• Էռնեստո Սեդիլյո՝ «Ավրորա» մրցանակի Ընտրող հանձնաժողովի անդամ, Յեյլի համալսարանի Գլոբալիզացիայի ուսումնասիրությունների կենտրոնի տնօրեն, Մեքսիկայի նախկին նախագահ, 
• Ռուբեն Վարդանյան՝ «Ավրորա» մարդասիրական նախաձեռնության համահիմնադիր, Noôdome հարթակի համահիմնադիր, 
• Սամանտա Փաուեր՝ ԱՄՆ Միջազգային զարգացման գործակալության ղեկավար, «Ավրորա» մրցանակի Ընտրող հանձնաժողովի նախկին անդամ, 
• Ջոն Փրենդերգասթ՝ «Ավրորա» մրցանակի Ընտրող հանձնաժողովի անդամ, մարդու իրավունքների պաշտպան, The Sentry նախաձեռնության համահիմնադիր, 
• Թոմ Քաթինա՝ «Ավրորա» մարդասիրական նախաձեռնության նախագահ, 2017 թ. «Ավրորա» մրցանակի դափնեկիր, Նուբա լեռներում գործող «Գթության Մայր» հիվանդանոցի բժշկական տնօրեն,  
• Բեռնարդ Քուշներ՝ «Ավրորա» մրցանակի Ընտրող հանձնաժողովի անդամ, Ֆրանսիայի արտաքին գործերի եւ առողջապահության նախկին նախարար, «Բժիշկներ առանց սահմանների» կազմակերպության համահիմնադիր: