Գրելն իմ պայքարն է՝ արդարության հասնելու համար. Մագդա Թախտաճյան (լուսանկարներ)

«Մի մոռացիր ինձ, Արմենուհի» գիրքը Մագդան նվիրել է տատիկին ու գրի առել նրա կյանքի պատմությունը։ Փոքր տարիքում ոչինչ չի իմացել Հայոց ցեղասպանության մասին: Հետո խոսեցին, բայց շատ քիչ։ Հայկական շունչը Թախտաճյանը զգացել է նիստ ու կացից. «Հիշում եմ, որ իմ տատիկի՝ Արմենուհու հետ հաճախ էինք հայկական ուտեստներ պատրաստում. նա ևս չէր խոսում Հայոց ցեղասպանության մասին, սակայն տանը շատ էին արվեստի ու պատմությանը վերաբերող գրքերը, որոնց միջոցով բացահայտումներ էի անում։ Գրելիս հայությունն իմ մեջ սկսեց ծաղկել. հետաքրքիր զգացողություններ էին… Արմատներս ճանաչելով՝ գիտակցեցի, թե ինչ հարստություն եմ կրում և կարող եմ գրականության միջոցով աշխարհին պատմել հայի, մեր ժառանգության մասին»:

Գիրքը գրելիս չի էլ մտածել, որ այն մեծ արձագանք կարող է ստանալ, քանի որ ընտանեկան պատմություն է։ Սակայն ի զարմանս նրան, սկսեցին գրել հայեր, որոնց ընտանիքները ևս վերապրել էին այդ ամենը. «Իմ ազգանունը դպրոցում դժվարությամբ էին արտասանում, այդ էր պատճառը, որ ուսուցիչները չէին կանչում գրատախտակի մոտ՝ դաս պատասխանելու: Այն դժվարությունները, որոնց բախվել եմ մանկության տարիներին, հետք են թողել ինձ վրա, բայց նպաստել են իմ ինքնության ու ստեղծած գրականության ձևավորմանը»:

Հայկական դպրոցում չի սովորել, սակայն տանը կային շատ գրքեր, որոնք վերաբերում էին հայկական ճարտարապետությանը, քանի որ հայրը ճարտարապետ էր. «Իմ ծնողների ննջասենյակում՝ անկողնու կողքին, մի գիրք կար, որը Հայոց ցեղասպանության մասին էր: Կազմի վրա ջարդերի զոհ դարձած կնոջ լուսանկար էր: Ես վախենում էի նայել այդ նկարին: Երբ Հայաստանում էի ու այցելեցի Հայոց ցեղասպանության թանգարան-ինստիտուտ, այնտեղ տեսա այդ լուսանկարը: Ճիշտ է՝ այդ ամենի մասին չենք խոսել,  սակայն ցավը, հայությունը մեր տանն են եղել: Ծնողներս այլևս չկան, և այն գրքերը, որոնք նրանց են պատկանել, այժմ համալրել են իմ գրադարանը,  իսկ իմ գրքերը նվիրված են ծնողներիս»:

Կարդացեք նաև

• «Օտարագիր հայ գրողներ. Ովքեր են ու ինչի մասին են գրում թեմայով» պանելային քննարկում՝ Newmag Winter Fest-ին (լուսանկարներ)
• Արգենտինահայ գրողը այցելել է Բրյուսովի համալսարան և շփվել իսպանախոս ուսանողների հետ (տեսանյութ, լուսանկարներ)
• Արգենտինահայ գրող Մագդա Թախտաճյանն այցելել է Տավուշի Խաչարձան գյուղ (տեսանյութ, լուսանկարներ)
• Արգենտինահայ գրող Մագդա Թախտաճյանն այցելել է Էջմիածին (տեսանյութ)
• Մագդա Թախտաճյանն այցելել է Հայոց ցեղասպանության զոհերի հուշահամալիր (լուսանկարներ)
• Արգենտինահայ գրող Մագդա Թախտաճյանը հանդիպել է մայր բուհի իսպանախոս ուսանողների հետ (տեսանյութ, լուսանկարներ)

Հարցազրույցի ժամանակ Մագդա Թախտաճյանն անկեղծացել է՝ չորս տարի առաջ սկսել է հայերեն ուսումնասիրել ու սովորել: Հայաստանում իրեն ընտանիքում է զգում:

Կարդացեք նաև

• Newmag-ի հրավերով Հայաստան է ժամանում աշխարհահռչակ արգենտինահայ գրող Մագդա Թախտաճյանը
• Newmag Winter Fest 2023-ին տեղի կունենա Մագդա Թախտաճյանի «Ռոջավա» վեպի շնորհանդեսը՝ գրողի մասնակցությամբ (թրեյլերը)
• Գրող Մագդա Թախտաճյանը հանդիպել է ՀՀ-ում Արգենտինայի արտակարգ և լիազոր դեսպանին (տեսանյութ, լուսանկարներ)
• Մագդա Թախտաճյանին հյուրընկալել են Հայ բերեգործական ընդհանուր միությունում (տեսանյութ, լուսանկարներ)
• Տեղի ունեցավ Մագդա Թախտաճյանի «Ռոջավա» գրքի հեռուստաշնորհանդեսը (տեսանյութ, լուսանկարներ)
• «Ռոջավա»՝ պատերազմից ավերված տարածքում ձեռք բերված ինքնության ու սիրո մասին պատմություն (տեսանյութ)