Մարկ Մենսոն. Մեղավորը սոցցանցերը չեն, մեղավորը մենք ենք

«Թքած ունենալու նուրբ արվեստը», «Թքել ենք բոլորս» գրքերի հեղինակին հիմա էլ մտաատնջում է սոցցանցերը։ Բայց ոչ այն տեսանկյունից, որ հաճախ ծնողներն ու ավագ սերունդն են քննադատում։ Ըստ Մենսոնի, վերջին տարիներին մարդիկ իրենց վատ տրամադրությունը, ձախողված պլանները կամ էլ բարկության մեծ չափաբաժինը կապում են սոցցանցերի հետ։ Թիրախում սոցիալական մեդիայի հասանելիությունն ու անկառավարելիությունն է։

Նա տարակուսած է՝ անդադար սոցցանցերին ինչ-որ վերացական մեղադրանք ենք առաջադրում, առանց գիտակցելու, որ մեր բոլոր խնդիրների հիմքում հենց մարդն է. հեռուս չգնալով մենք, ես, դու նա. «Սոցցանցերի բացասական կողմերի մասին շատերն են խոսում ու շա՜տ են խոսում։ Այսօր չեմ շարունակելու այդ քննարկումը։ Փոխարենն ուզում եմ հասկանանք և ընդունենք, որ թեև ֆեյսբուքը կամ ինստագրամը շատ թերություններ ունեն, բայց մենք էլ հաստատ անթերի չենք»։

Կարդացեք նաև

• Մարկ Մենսոն․ ինչպե՞ս կայացնել ճիշտ որոշումներ
• [Անիծյալ երկուշաբթին] Մարկ Մենսոն. Մի՛ փորձիր փոխել քեզ
• [Անիծյալ երկուշաբթին] 3 պատճառ, թե ինչու եք վատ որոշումներ կայացնում
• Ինչպե՞ս հասնել առավելագույնին․ Մենսոնի 4 հենման կետերը

Շատ հաճախ մեր մեղավորությունը խեղդում ենք ինչ-որ պատճառաբանությունների ու արդարացումների մեջ։ Չենք խիզախում ընդունել սեփական սխալն ու հաշտ ապրել դրա հետ՝ ընդգծում է գրողը. «Այս ներքին պատերազմը հաղթահարելու համար հիմա էլ նոր թիրախ ենք գտել։ Անունն էլ դրել՝ սոցիալական ցանցեր»։

Ըստ Մենսոնի, հինգ րոպե ֆեյսբուքի էջը փորփրելուց, 50 բացասական գրառում ու 500 բացասական մեկնաբանություն կարդալուց հետո շրջապատում դժգոհում ենք, որ սոցցանցերը անտանելի բացասական աուրա ունեն։ Գուցե պետք է բացասական տարրերը փնտրել հենց մե՞ր մեջ. «Սոցցանցերի ազդեցության մասին տասնյակ հետազոտություններ կան և դրանց արդյունքները հավանաբար կզարմացնեն ձեզ»։

Կարդացեք նաև

• Երբ հրաժարվել երազանքներից ոու նպատակներց. Մարկ Մենսոնի խորհուրդները
• 10 ոսկե կանոն Մարկ Մենսոնից. ինչպես լինել երջանիկ՝ անկախ հանգամանքներից
• [Անիծյալ երկուշաբթի]. Մարկ Մենսոն. Ինչպես դառնալ երջանիկ
• Ինչ չանել 2021-ին. «Թքած ունենալու նուրբ արվեստը» գրքի հեղինակի խորհուրդները

Մոտիվացիոն խոսնակի դեղատոմսը՝ մարդկային դժբախտությունների հիմքում ո՛չ Մարկ Ցուկերբերգն է, ո՛չ էլ սոցցանցերը։ Խնդիրը մենք ենք։ Լավ լուր ևս կա՝ լուծումն էլ ենք մենք։