[Նոր գրքեր, նոր հեղինակներ]. Newmag Winter Fest-ին հրատարակչությունը կներկայացնի 8 գիրք (տեսանյութեր)

February 19, 2022

Փետրվարի 19-ը՝ Հովհաննես Թումանյանի ծննդյան օրը՝ Հայաստանի Հանրապետությունում նշվում է «Գիրք նվիրելու օր»: Newmag-ը տոնին միանալու է բացառիկ ձևաչափով՝ Ձմեռային փառատոն, որը ձգվելու է ավելի քան 10 ժամ: Շնորհանդեսներ, պանելային քննարկումներ, գրքի խաղարկություններ, մեծ զեղչեր՝ մինչև 40 տոկոս: Այս հոդվածում ներկայացնում ենք փառատոնի գրքերն ու հեղինակներին:

Մեծ սրահում գրքերի շնորհանդեսները սկսվում են 11:00-ից: Առաջին հեղինակը Նարինե Աբգարյանն է, Newmag-ը ներկայացնելու է միանգամից երկու գործ՝ «Մանյունյա» գրքի առաջին մասը ու նոր գիրք՝ «Դրսեկը»:  2010-ին ռուսերեն հրատարակած իր հենց առաջին՝ «Մանյունյա» գրքով Նարինե Աբգարյանը  հայտնի դարձավ ոչ միայն ամբողջ աշխարհով, այլև արժանացավ Ռուսաստանի գրական հեղինակավոր մրցանակների։ 2-րդ գիրքը՝ «Մանյունյան գրում է ֆանտասԾիկ վեպը», ևս հրատարակվել է «Օրակուլ» հայ-ռուսական մատենաշարի շրջանակում:

Այս հրաշալի ստեղծագործության ու աղջիկների խելահեղ արկածների հիմքում իմաստուն ու լուսավոր հուշերն են՝ սիրո ու միայնության, կյանքի, երջանկության մասին։ Այս զարմանալի պատմությունը, պարզ բառերով, պատմում է գլխավորի մասին՝ ջերմ ու մաքուր ընկերության, հարաբերությունների, արդեն երիտասարդության սեմին գտնվող աղջիկների նոր բացահայտումներին: Newmag-ի հրատարակած «Մանյունյան գրում է ֆանտասԾիկ վեպ» գրքի շնորհանդեսը տեղի կունենա Newmag Winter Fest-ին, Կոնգրես հյուրանոցի Մեծ սրահում, փետրվարի 19-ին, 11:20-ին:

                                                          

«Դրսեկը» Նարինե Աբգարյանի ամենաինքնակենսագրական գիրքն է: Այդ գործից սկսած  գրողը որդեգրել է մի սկզբունք՝ 1990-ականները հիշել միայն ծիծաղով: Իր կերպարը, հաղթահարած բարդությունները նույնիսկ գրքում ներկայացրել է հումորի անսպառ չափաբաժինով: Քանի որ վստահ է՝ հուսալքությունը ոչ մի լավ տեղ չի տանում: Նա ի սկզբանե որոշել էր, որ այդ բոլոր զբացողություններն իր մեջ չի պահելու ու մարտահրավերներից էլ չի ներփակվի, այլ կպատմի, կգրի, կհրապարակի, որ կարդան, մտածեն ու հասկանան՝ բարդություններն էլ զավեշտալի կողմեր ունեն: Շնորհանդեսը տեղի կունենա Մեծ սրահում, փետրվարի 19-ին, 11:20-ին:

                                                          

Newmag-ն ու DataArt-ը ներկայացնում են յուրօրինակ հրատարակություն՝ «Մարդիկ և մեքենաները. Հայկական առաջին համակարգիչների ստեղծման պատմությունը» գիրքը։ Մաթեմատիկական մեքենաների երևանյան գիտահետազոտական ինստիտուտի, հայ ինժեներների և 20-րդ դարի երկրորդ կեսին նրանց ստեղծած հաշվիչ տեխնիկայի մասին՝ լուսանկարներով, փաստավավերագրական շոշափելի արխիվով տեղ է գտել ձեռնարկում: Բացառիկ այս գրքի շնորհանդեսը տեղի կունենա Մեծ սրահում, փետրվարի 19-ին, 12:00-ին։ Գրքի երեք հեղինակներն էլ կմասնակցեն շնորհանդեսին:

                                                      

13:00-ին տեղի կունենա «Հայաստանն ու Բուշն անձամբ. 1988-1992 թթ. հայ-ամերիկյան շփումների գաղտնազերծված մանրամասներ» գրքի շնորհանդեսը: Հեղինակը Սուրեն Սարգսյանն ընտրել է հենց 1988–1992 թվականները, քանի որ դրանք հայ-ամերիկյան հարաբերությունների պատմության ամենաակտիվ և բուռն զարգացող տարիներն էին։ Աշխատությունում ամփոփված են պետքարտուղարության գաղտնազերծած փաստաթղթերը, որոնք առնչվում են այդ 4 տարիներին, լույս են սփռում ՀՀ-ԱՄՆ կապերի հաստատման, առաջին շփումներին՝ բացահայտելով մինչև այժմ անհայտ մանրամասներ: Մանրամասն նկարագրված է հայ և ամերիկացի բարձրաստիճան պաշտոնյաների առաջին հանդիպումներն ու հարաբերությունները:

                                                       

Ինչպե՞ս հայերին հաջողվեց Խորհրդային Հայաստանի կազմի մեջ պահել Գեղարքունիքի մարզը, ինչո՞ւ էին ադրբեջանցիները ցանկանում վերցնել Սևանի տարածքը և ինչ պատահեց ի վերջո: Պատմական հարցադրումների համար պատասխանները փնտրել են հայ հնագետները: Նրանք ուսումնասիրել են 1919 թվականի «Զոդ» օպերացիան: Պատմության մեջ այն հայտնի է միայն մասնագիտական նեղ շրջանակներում: Այս գիրքը բացառիկ է, որովհետև մինչև այսօր ո՛չ հայկական, ո՛չ ադրբեջանական պատմագիտությունն այս թեմային առանձին չի անդրադարձել: Հեղինակները՝ Ավետիս Գրիգորյանն ու Արսեն Բոբոխյանն ուսումնասիրել են օպերացիան, Սոթքի շրջանում հայ-թաթարական բախումները և զոդյան դավադրության մանրամասների նոր, փաստական տվյալներ։ Շնորհանդեսի ժամը  14-00-ն է:

                                                        

16:00-ին կսկսվի «Ուժերի նոր բալանս. ինչպիսի՞ արտաքին քաղաքականություն է որդեգրելու Ռուսաստանը» գրքի շնորհանդեսը: Հեղինակը Դմիտրի Տրենինն է՝ Կարնեգի հիմնադրամի մոսկովյան կենտրոնի ղեկավարը: Այս գրքում նա դիտարկում է հիմքերը, որոնց վրա կառուցվում են Ռուսաստանի հարաբերություններն այլ երկրների հետ: Տրենինն ամփոփ ներկայացնում է Մոսկվայի արտաքին քաղաքականությունը Միխայիլ Գորբաչովի, Բորիս Ելցինի և Վլադիմիր Պուտինի կառավարման տարիներին։ Վերլուծելով ոչ վաղ անցյալի հաջողությունները, ձախողումները և սխալները՝ հեղինակն առաջարկում է մտորել, թե արագ փոփոխվող աշխարհում Ռուսաստանը ինչպես պետք է կառուցի ինքնուրույն ու հավասարակշռված արտաքին քաղաքականության ռազմավարություն:

                                                        

17:00-ին մեկ գավաթ գինու շուրջ առաջարկում ենք վայելել «Անապակ առեղծված»  թրիլլերի շնորհանդեսը: Վահան Զանոյանը գրքում ներկայացնում է 2000-ականների սկզբին գինեգործների  մի պատմություն: Աշխարհի տարբեր մասերից Հայաստան են տեղափոխվում փորձառու գինեգործներ, ու սկսում վերականգնել գինեգործության ավանդույթները։ Գինուց կրքերն անպակաս են. սկսվում է խարդավանքների մի ամբողջ լարված կծիկ, որի հանգույցները քանդելու համար միասին բացահայտում են խարդախներին և լուծում բոլոր վեճերը: Գիրքը գրելու ընթացքում օգտվել է պատմագիտական հարուստ ու վստահելի աղբյուրներից, հնագիտական հետազոտություններից ՝ գինեգործության հնագույն աշխարհի մասին ընթերցողին իրազեկելու համար։

                                                    


 ՓԱՌԱՏՈՆԻ ԱՄԲՈՂՋԱԿԱՆ ԾՐԱԳԻՐԸ


Կարդացեք նաև

Շնորհանդեսների սրահում վերջին գիրքը «Քամուց քշվածների» հատորյակներն են: 1936 թվականին լույս տեսավ Մարգարետ Միտչելի «Քամուց քշվածները» վեպը: Ամենառոմանտիկ սիրային դրաման, ամենաէպիկ պատմավեպն ու բեսթսելլերը թարգմանելու համար հրատարակչությունը ներգրավեց ոլորտի գիտակներին: Ու հենց նրանք էլ՝ գրքի թարգմանիչ Անուշ Սեդրակյանը, խմբագիր Աննա Բախշյանը, մշակութաբան Հարայր Խաչատրյանը 18:00-ին կներկայացնեն ամերիկացների սիրելիվեպը, 20-րդ դարի գլուխգործոց: Գիրքը հայերեն է թարգմանվել բնագրի հրատարակումից 100 տարի անց:

                                                                 

                                                                 

Կարդացեք նաև