Գիրք նվիրելու օրը՝ Newmag Winer Fest-ին սպասվում են շնորհանդեսներ, քննարկումներ, զեղչեր ու խաղարկություններ (տեսանյութ)

Փետրվարի 19-ին՝ գիրք նվիրելու օրը Newmag հրատարակչությունը գրքասերների համար գրքի տոն է կազմակերպել: Գրքի ձմեռային փառատոնը տևելու է ավելի քան տասը ժամ: Գրքի շնորհանդեսներ, պանելային քննարկումներ, հանդիպումներ հեղինակների հետ, գրքերի խաղարկություններ, երգի և տեսահոլովակի պրեմիերա և այս ամենը մեկ վայրում՝ ընդգծում է հրատարակչության գլխավոր խմբագիր Գնել Նալբանդյանը. «Մարդիկ կարող են գալ և հանդիպել այն մարդկանց հետ որոնց խոսքը կարող է կարևոր լինել իրենց կյանքում: կարող են կլոր սեղանների կամ քննարկումների ընհթացքում հարցեր տալ, լսել և հասկանալ ինչ է կատարվում հայկական գրական շուկայում»:

Newmag-ի առցանց բովանդակության պատասխանատու Գոհար Մանուկյանի խոսքով, գրքի թեմաները տարբեր են՝ հայ-ամերիկյան հարաբերությունների հաստատման մասին գաղտնազերծված փաստաթղթերից մինչև հայկական գինիների թեմայով թրիլլեր, հայկական առաջին համակարգիչների ստեղծման պատմությունից մինչև Ռուսաստանի արտաքին քաղաքականություն. «Լինելու է 7 գիրք, տարբեր ժանրերի, օրինակ շատ հետաքրքիր գիրք ունենք զոդ օպերացիան, որը բացի պատմական հետազոտություններից նաև գիտական է, երկու տարուց ավելի կատարվել են հետազոտությունները,գիրքը ներկայացնելու ենք Հասրաթյան-Մինասյան հիմանդրամի հետ»:

Հեղինակների և ոլորտի փորձագետների մասնակցությամբ բոլոր գրքերի շնորհանդեսներից հետո կանցկացվեն պանելային քննարկումներ: Ըստ փառատոնի կազմկոմիտեի նախագահ Մանու Իրիցյանի, իրադարձությունների մյուս կարևոր լոկացիան քննարկումների սրահն է լի հետաքրքիր հանդիպումներով. «Լինելու են նաև շատ հետաքրքիր պանելային քննարկումներ, մեկը ՏՏ ոլորտը Հայաստանում, մյուսը հայ-ամերիկյան հարաբերություններ, հայ ադրբեջանական սահմանազատում, հայ-ռուսական հարաբերություններ և գինեգործությունը Հայաստանում»:  

Փառատոնի ընթացքում Newmag-ը ներկայացնելու է 7 նոր գիրք: Նոր գրողներ, նոր ժանրեր: Newmag Winter Fest-ի գլխավոր հովանավորն է Team Telecom Armenia ընկերությունը: Իրենց թիմը ոգևոևված է այս իրադարձությամբ, Գիրք նվիրելու տոնին նրանք ևս կմասնակցեն. «Մեզ համար սա կարևոր նախաձեռնություն է, որովհետև որպես հայկական ընկերություն կարևորում ենք հայալեզու գրականությունը: Այս փառատոնը ներկայացնում էր հայերեն թարգմանված գրքեր և մեզ համար շատ կարևոր էր միանալ այս նախաձեռնությանը»:

Հանդիպման վայրը՝ Կոնգրես հյուրանոց, առավոտյան ժամը՝ 11-ից: Newmag-ի  թիմը խորհուրդ է տալիս փառատոնին գնալ մեծ պայուսակով՝ սպասվում են մեծ զեղչեր՝ մինչև 40 տոկոս:

Կարդացեք նաև

• Փետրվարի 19-ին տեղի կունենա Newmag Winter Fest 2022-ը. ավելի քան 10 ժամ գրքերի շնորհանդեսներ ու հետաքրքիր քննարկումներ
• [Նոր գիրք] Newmag Winter Fest-ին տեղի կունենա «Մարդիկ և մեքենաները. հայկական առաջին համակարգիչների ստեղծման պատմությունը» գրքի շնորհանդեսը (թրեյլեր)​​​​​​
• [Նոր գիրք] Newmag Winter Fest-ին տեղի կունենա Սուրեն Սարգսյանի «Հայաստանն ու Բուշն անձամբ» գրքի շնորհանդեսը (թրեյլեր)
• [Նոր գիրք] Newmag Winter Fest-ին տեղի կունենա «Մանյունյա» գրքի 2-րդ մասի շնորհանդեսը (թրեյլեր)
• [Նոր գիրք] Հասրաթյան-Մինասյան հիմնադրամի հետ Newmag-ը ներկայացնում է «Օպերացիա «Զոդ». Ինչպես Հայաստանը 1919-ին պահեց Սոթքի բնագիծը» գիրքը (թրեյլեր)
• [Նոր գիրք] Newmag Winter Fest-ին տեղի կունենա Նարինե Աբգարյանի «Դրսեկը» գրքի շնորհանդեսը (թրեյլեր)
• [Նոր գիրք] Newmag Winter Fest-ին տեղի կունենա Վահան Զանոյեանի «Անապակ առեղծված» գրքի շնորհանդեսը (թրեյլեր)
• [Նոր գիրք] Newmag Winter Fest-ին տեղի կունենա Դմիտրի Տրենինի «Ուժերի նոր բալանս» գրքի շնորհանդեսը (թրեյլեր)
• [Նոր երգ, նոր տեսահոլովակ] Newmag Winter Fest-ին տեղի կունենա Շառլ Ազնավուրի «Ով» երգի հայերեն տարբերակի պրեմիերան (տեսանյութ)