Չարենցավանի քաղաքային գրադարանը հյուրընկալել է «Բազկամարդը» գրքի հեղինակներին (տեսանյութ, լուսանկարներ)

Սարգիս Ստեփանյանի «Բազկամարդ» գիրքն իր կամքի ուժի, երբեք չհանձնվելու, սպայի կամային հատկանիշների մասին է: Սարգիս Ստեփանյանի կենսագրությունը կյանքի, պայքարի ու առաջ շարժվելու մասին է: Նա 2014-ին մարտի դաշտում՝ ականի պայթյունից կորցրել է ոտքերն ու մեկ ձեռքը, բայց կարողացել է ոտքի կանգնել ու հիմա էլ օգնում է մյուսներին՝ ընթերցողներին պատմում է Սարգիս Ստեփանյանը. «Չեմ կոտրվել, գիտակցել եմ ինչ է ինձ հետ կատարվում և գիտակցել եմ, որ պետք է ապրեմ: Ապրում եմ հայ սպային արժանապատիվ, և փորձում եմ՝ իմ գործով ու առաքելությամբ արժանի լինել իմ ժողովրդին»:

«Բազկամարդը» մոտիվացիոն ձեռնարկ է հաշմանդամություն ունեցող անձանց և բոլոր նրանց համար, ովքեր սեփական ուժերին հավատալու և առաջ շարժվելու դժվար փուլում են: Գրքում և ֆիլմում Սարգիսն իր կենսագրությամբ է ապացուցում, որ անհնարին ոչինչ չկա, որ հանձնվելն ուժեղների համար չէ: Սարգսի անհավատալի ուժի մասին գրի է առել ռազմական լրագրող Դավիթ Դավթյանը. «Մարդը կարողանում է անել ավելին, քան հաշմանդամություն չունեցողները։ Մեր ամբողջ ուղերձը հենց դա է՝ ոտքի կանգնիր: Գիրքը հենց այդ մասին է»:

Չարենցավանցիները նվերներով ճանապարհեցին Սարգիս Ստեփանյանին, որը մեծ մրցույթին նախապատրաստվելու փուլում է: Մարտի 12-18-ը մեկնելու է Դուբայ՝ մասնակցելու միջազգային  մրցաշարի՝ գնդի հրում մարզաձևով: Պարաօլիմպիկ այս մարզաձևը նա մտադիր է բերել նաև Հայաստան:

Կարդացեք նաև

• Լույս է տեսել փոխգնդապետ Սարգիս Ստեփանյանի մասին պատմող «Բազկամարդը» գիրքը
• Newmag-ը նկարահանել է Սարգիս Ստեփանյանի մասին վավերագրական ֆիլմ
• Հայոց Բանակի կազմավորման 30-րդ տարեդարձի առիթով Newmag-ը ներկայացրեց «Բազկամարդը» գիրքը
• Մոսկվա կ/թ-ում տեղի ունեցավ Newmag-ի «Ոտքի կանգնիր» ֆիլմի պրեմիերան
• Լուսանկարներ և տպավորություններ «Ոտքի կանգնիր» ֆիլմի պրեմիերայից
• «Երկաթե կամք»՝ թոք-շոու նվիրված Սարգիս Ստեփանյանին
• «Զինուժ» մեդիայի անդրադարձը՝«Բազկամարդը» գրքին և «Ոտքի կանգնիր» ֆիլմին