«Ավրորան-2021»՝ ի հիշատակ կազմակերպության հիմնադիր Վարդան Գրիգորեանի (տեսանյութ)

Ամերիկահայ ականավոր մարդասեր, գիտնական, մանկավարժ ու խորհրդատու Վարդան Գրիգորեանը, լինելով ցեղասպանության, խտրականության և հետապնդումների վերացման գործի հանձնառու, իր կարեկցանքով ու վճռականությամբ ոգեշնչված, բոլորի համար դարձել է ուսուցիչ: Նրա «Տուն տանող ճանապարհը» հուշագրության մեջ անդրադարձել է նաև  «Ավրորային», նախաձեռնության կարևորությանն ու եզակիությանը:

Ըստ «Ավրորայի» համահիմնադիր Ռուբեն Վարդանյանի, «Ավրորան»  մանդատ է, որի միջոցով օգնություն է ցուցաբերվում այլ մարդկանց. «Սա միջազգային մրցանակաբաշխություն է, որի շնորհիվ աշխարհին հայ ազգի կողմից երախտիքի խոսք ենք ուղղում: Մենք հաճախ քննարկում էինք Գրիգորեանի հետ, թե ինչպես այս ամենի մեջ պահպանեն հայկականը: Մենք հասկանում էինք, որ չէինք կարող անտարբեր գտնվել նաև Հայաստանում տեղի ունեցող իրադարձություններին, և երբ Արցախում տեղի ունեցավ պատերազմը, ասացինք, որ «Ավրորան»  աշխարհի համար է, բայց Հայաստանն ու Արցախն էլ աշխարհի մի մասն են, և մենք պետք է արձագանքենք այն ամենին, ինչ տեղի է ունենում»:

Մարդասիրական նախաձեռնությունը հայատարարեց 2021 թ. հինգ հերոսների անունները, որոնց ընտրել է «Ավրորա» մրցանակն Ընտրող հանձնաժողովը՝ նրանց խիզախության, նվիրվածության եւ ազդեցության համար:

Ընտրող հանձնաժողովի նախագահ Լորդ Արա Դարզին իր խոսքում կարևորեց մարդասիրական այս նախաձեռնության առաքելությունը. «Ինձ համար մեծ պատիվ է ճանաչման արժանացնել ամբողջ աշխարհից ընտրված այս ականավոր կանանց ու տղամարդկանց: 2021 թ. «Ավրորայի» հերոսներն անհատներ են, որոնք իսկապես հավատում են մարդու հիմնարար իրավունքներին և իրենց կյանքը նվիրել են անբարենպաստ վայրերում գտնվող մարդկանց օգնելուն»:

Կարդացեք նաև

• Ապրիլի 24-ին ի պատիվ Վարդան Գրեգորյանի «Ավրորան» կազդարարի հերոսների անունները
• Գրիգորեանի կյանքն ապացույց է, որ հաջողության կենսունակ միակ հենարանը գիտելիքն է (տեսանյութ, լուսանկար)
• Կյանքից հեռացավ «միջոց հայթայթող հանճարն» ու «Ավրորայի խիղճը» (տեսանյութեր)
• Ինչ է գրում մամուլը Վարդան Գրեգորեանի «Տուն տանող ճանապարհը» գրքի մասին (տեսանյութ)
• Վարդան Գրեգորեանն ու «Ավրորան». ինչու և ինչպես ստեղծվեց նախաձեռնությունը
• Աշխարհահռչակ դեմքերն ընթերցում են Վարդան Գրեգորեանի «Տուն տանող ճանապարհը»
• Տեղի ունեցավ Վարդան Գրեգորեանի «Տուն տանող ճանապարհը» գրքի շնորհանդեսը
• Newmag-ը ներկայացնում է «Քարնեգի» հիմնադրամի լեգենդար նախագահի բացառիկ հուշերը (թրեյլեր)

Ավանդույթի համաձայն, 2021 թ. «Ավրորայի» հերոսների անուններն արձանագրվել են «Մատյան մարդասիրաց» 21-րդ դարի եզակի ձեռագիր-մատյանում, որը մարդասիրական այս նախաձեռնության յուրահատուկ տարեգիրքն է: Հերոսներից մեկը կդառնա 2021 թ. «Ավրորա» մրցանակի դափնեկիր եւ կկարողանա շարունակել նվիրատվության շղթան՝ մեկ միլիոն դոլար մրցանակը բաժանելով այն կազմակերպություններին, որոնք օգնում են կարիքավորներին: