Կենտրոն, որտեղ վերականգվում են ոչ միայն ֆիզիկապես, այլև հոգեպես (տեսանյութ)
Հայ հերոսների վերականգնողական կենտրոնը հիմնադրվել է 2021 թվականին, 44-օրյա պատերազմից ամիսներ անց՝ պատերազմում վիրավորված տղաների համար։ Պատերազմից հետո Սարգիս Ստեփանյանն անձամբ է այցելել հոսպիտալներ, հիվանդանոցներ, հաշմանդամություն ունեցող զինվորների բնակարաններ ու զրուցել, հրավիրել կենտրոն՝ վերականգնվելու և ակտիվ սպորտով զբաղվելու։
«Բազկամարդը» գրքի հերոս և համահեղինակ Սարգիս Ստեփանյանը հաշմանդամություն ունեցողների համար հիմնել է մարզասրահ, վերականգնողական կենտրոն և իր համախոհների հետ պատրաստում է հաշմանդամային սպորտի ապագա չեմպիոնների։ Հաշմանդամություն ունեցողների համար ծանր փորձություն է դեպի սպորտ ճանապարհը։ Դժվար է միայնակ, բայց Սարգսի հետ ռեկորդային արագությամբ են անցնում ոտքի կանգնելու, ինքնուրույն քայլելու փուլերը։
Հաջողության պատճառներից մեկն առաջին հերթին հարազատ միջավայրն է, այստեղ բախտակից տղաները եղբայրներ են։ Հաղթանակը գալիս է նաև այն հնարավորություններից, որոնք տալիս է վերականգնողական կենտրոնը։ Մարզասարքերը Սարգիսն է նախագծել, պատրաստել են հայրենական ու արտասահմանյան մասնագիտացած ընկերությունները։
Մարզասարքերին ու լավագույն մասնագետներին զուգահեռ, Սարգսի վերականգնողական կենտրոնը նաև կենդանի օրինակով է տարբերվում։ Սարգիսը գիտի յուրաքանչյուրի ոտքի կանգնելու, ճիշտ քայլեր գցելու և չեմպիոնական պայքարի դուրս գալու բանաձևը։
Կարդացեք նաև
- Լույս է տեսել փոխգնդապետ Սարգիս Ստեփանյանի մասին պատմող «Բազկամարդը» գիրքը
- Newmag-ը նկարահանել է Սարգիս Ստեփանյանի մասին վավերագրական ֆիլմ
- Հայոց Բանակի կազմավորման 30-րդ տարեդարձի առիթով Newmag-ը ներկայացրեց «Բազկամարդը» գիրքը (տեսանյութ, լուսանկարներ)
- Մոսկվա կ/թ-ում եղի ունեցավ Newmag-ի «Ոտքի կանգնիր» վավերագրական ֆիլմի պրեմիերան (տեսանյութ, լուսանկարներ)
Վերականգնողական կենտրոնի սարքերն ու պարագաները վերջին սերնդի են և լավագույնն են, տարածքը վարձակալած է։ Այժմ կառուցվում է սեփականը։ Ամիսներ անց կտեղափոխվեն ու կունենան հիմնական ու ամբողջությամբ հարմարեցված կենտրոն, որտեղից կսկսեն կյանքն ու սպորտը նոր էջից։
Կարդացեք նաև
- Լուսանկարներ և տպավորություններ՝ Newmag-ի «Ոտքի կանգնիր» ֆիլմի պրեմիերայից
- «Երկաթե կամք»՝ թոք-շոու նվիրված Սարգիս Ստեփանյանի կյանքի արտասովոր պատմությանը (տեսանյութ, լուսանկարներ)
- «Զինուժ» մեդիայի անդրադարձը՝«Բազկամարդը» գրքին և «Ոտքի կանգնիր» ֆիլմին (տեսանյութ)
- 10 փաստ հետախույզ Սարգիս Ստեփանյանի արտասովոր կյանքի մասին (տեսանյութ)