Լատվիացի գրող Անդրիս Կալնոզոլսի հայ ընկերոջ ու հայերի հանդեպ գրողի մեծ սիրո մասին (տեսանյութ)
Այս գարնանը Newmag-ը ներկայացրեց լատվիացի գրող Անդրիս Կալնոզոլսի դեբյուտային վեպը հայերեն: «Ես Օրացույցն եմ» գրքի հեղինակը հատուկ շնորհանդեսի համար այցելել էր Հայաստան ու այս պահին էլ Գյումրիում գրում է իր 2-րդ վեպը: Հայաստանն Անդրիսը համարում է իր հոգևոր տունը: Սա նրա 2-րդ այցն է մեր երկիր: Հայաստանի, հայերի հանդեպ սերն ամրապնդվել է Լատվիայում ապրող Հայկ Կարապետյանի շնորհիվ: Նրանք մտերիմ ընկերներ են:
Ռեժիսոր Հայկ Կարապետյանն Անդրիս Կալնոզոլսի հետ ծանոթացել է 44-օրյա պատերազմի օրերին: Լատվիայի հայ համայնքը ստորագրություններ էր հավաքում, երբ երկրի ամենահայտնի գրողներից մեկը հանկարծ գրեց Հայկին. «Գրել էր, թե ինչպես կարող է օգնել, որ Հայաստանը ծանր վիճակից դուրս գա: Ու քանի որ ստորագրություններ էինք հավաքում, այդ ժամանակ նա էլ միացավ»:
Հայկ Կարապետյանն ապրում ու աշխատում է Լատվիայում, ռեժիսոր է: Զարմացել է, երբ իմացել է, որ Անդրիս Կալնոզոլսն արդեն Հայաստանը ճանաչում է, եղել է նաև Արցախում. «Նա շատ լավ հարաբերություններ ունի Հայաստանի հետ, կարելի է ասել Հայաստանը մեզ կապեց, ոչ թե աշխատանքը»:
Ըստ Հայկի, «Ես Օրացույցն եմ» գիրքը Լատվիայում մեծ հաջողություն է ունեցել՝ հեղինակին բերելով մեծ համբավ. «Բոլորը մի բան են ասում, որ նա շատ սովորական մարդ չի, յուրահատուկ կերպար է: Ավելի շատ իր մասին կարելի էր գիրք գրել: Էլի հետաքրքիր գիրք կլիներ: Ես էլ եմ կարդացել, լեզուն է կարևոր, լեզուն, որով գրել է գիրքը, ավելի շատ է պատմում կերպարի մասին, քան բովանդակությունը»:
Հայկ Կարապետյանի խոսքով, Լատվիայում կարդում են ամեն ինչ, մշակութային կյանքն ակտիվ է, մարդիկ ունեն ընտրության մեծ հնարավորություն: Սակայն վերջին շրջանում ամենահայտնի գրողը Անդրիսն է, գիրքը՝ «Ես Օրացույցն եմ»:
Կարդացեք նաև
- Հայաստանում է Լատվիայի ժամանակակից ամենահայտնի գրողներից Անդրիս Կալնոզոլսը. Newmag-ը հայերեն է թարգմանել նրա վեպը (թրեյլեր, լուսանկարներ)
- Տեղի ունեցավ Անդրիս Կալնոզոլսի «Ես Օրացույցն եմ» գրքի հեռուստաշնորհանդեսը (տեսանյութ)
- Անդրիս Կալնոզոլսը «Ես Օրացույցն եմ» գիրքը ներկայացրել է Հայաստանի հանրային հեռուստաընկերությամբ (տեսանյութ)
- Անդրիս Կալնոզոլսը հանդիպումը ԵՊՀ-ում ու վարպետության դասն ապագա գրողների հետ (լուսանկարներ, տեսանյութ)
- Լատվիացի գրող Անդրիս Կալնոզոլսը հանդիպել ու շփվել է երկտասարդ հայ գրողների հետ (լուսանկարներ)
- Գրողների միությունում ընդունել են լատվիացի գրող Անդրիս Կալնոզոլսին (լուսանկարներ, տեսանյութ)
- Անդրիս Կալնոզոլսն այցելել է Արարատի մարզային գրադարան (տեսանյութ, լուսանկարներ)
- Տեղի ունեցավ Անդրիս Կալնոզոլսի «Ես Օրացույցն եմ» գրքի երևանյան շնորհանդեսը (տեսանյութ, լուսանկարներ)
- Ֆոտոռեպորտաժ Զանգակ գրատնից. Անդրիս Կալնոզոլսը հանդիպել է ընթերցողներին