«Հանձնվել չկա՛» գիրքը՝ Ոռուցքաբանության ազգային կենտրոնում (տեսանյութ)

Հիվանդության դեմ պայքարի սեփական փորձը պատմեց ու հիշեցրեց՝ հանձնվել չկա: Անի Քոչարն ուռուցքաբանության ազգային կենտրոնում այցելեց քաղցկեղով հիվանդներին ու նվիրեց իր հեղինակած «Հանձնվել չկա՛» գիրքը: Ասում է՝ մակագրում է գրքի ամենաազդեցիկ տողերը. «Գրում եմ, որ միշտ չէ, որ կյանքը տոն է, բայց միշտ կարելի է ուժ գտնել ու հաղթահարել ցանկացած դժվարություն»։

Անի Քոչարը նշում է՝ կարևոր է, որ մարդիկ հասկանան՝ նրանք միայնակ չեն ու նրանց նման շատերը կարող են նույն ճակատագիրն ունենալ ու նույն ճանապարհն անցնել: Բայց վստահեցնում է՝ չհանձնվելու դեպքում ճանապարհի վերջում միշտ հրաշք է կատարվում: Հիվանդության ընթացքի, բոլոր դժվարությունների ու հավատի մասին Անի Քոչարի գիրքը հենց դա է փաստում. «Այս դեպքում շատ կարևոր է, որ մարդիկ գտնեն իրենց բախտակից մարդկանց, լսեն նրա պատմությունը ու հավատան, որ իրենք նույնպես կհաղթահարեն այս հիվանդությունը»։

Ուռուցքաբանության ազգային կենտրոնի տնօրեն Նարեկ Մանուկյանի խոսքով՝ այսպիսի միջոցառումներն ու գրքերը հիվանդներին օգնում են հավատալ, որ քաղցկեղը դատավճիռ չէ. «Այս գիրքն անպայման ինքս էլ կկարդամ, երբեմն հիվանդները ֆիզիկապես հնարավորություն չեն ունենում մարդկանց հետ շփվելու, հանրային վայրեր գնալու, ու այս դեպքում գիրքը հիանալի տարբերակ է»։

Կարդացեք նաև

• Ով է «Հանձնվել չկա՛» գրքի հեղինակը. 10-ը փաստ Անի Քոչարի մասին (տեսանյութ)
• Աստղեր, ովքեր հաղթել են քաղցկեղը նույն նշանաբանով՝ հանձնվել չկա՛(տեսանյութ)
• «Հանձնվել չկա՛». ասաց ոչ միայն Անին, այլև նրա քույրերը՝ Սոնան և Օֆելին (տեսանյութ)
• Չեմ հիշում՝ որևէ մեկն այսքան նեղ անձնական ողբերգությունը ներկայացներ.
• Անի Քոչարն իր «Հանձնվել չկա՛» գիրքը փոխանցել է Արյունաբանական կենտրոնում հիվանդության դեմ պայքարողներին (տեսանյութ)
• Անի Քոչար. Սերը դժոխքից հետո (տեսանյութ)
• Ինչ անել, երբ Ձեզ մոտ ախտորոշել են քաղցկեղ (տեսանյութ)

Անի Քոչարը Newmag-ի հրատարակած գրքի մի քանի օրինակ էլ նվիրեց Ուռուցքաբանության ազգային կենտրոնի գրադարանին, որ մյուս հիվանդները նույնպես այսօր, վաղը ու տարիներ հետո էլ կարողանան կարդալ, չհանձնվել ու հաղթահարել հիվանդությունը:

Կարդացեք նաև

• Տեղի ունեցավ Անի Քոչարի «Հանձնվել չկա՛» գրքի հեռուստաշնորհանդեսը (տեսանյութ)
• Անի Քոչար. Ինչո՞ւ կարդալ «Հանձնվել չկա՛» գիրքը (տեսանյութ)
• Անի Քոչար. Մարդ պարտվում է այն ժամանակ, երբ հանձնվում է (տեսանյութ)
• «Չէի ուզում հայելու մեջ նայել». Անի Քոչարը
• Անի Քոչարը ստորագրել է ընթերցասերների գրքերը, զրուցել և լուսանկարվել նրանց հետ (տեսանյութ)
• Պայքարել, սիրել ու կարդալ՝  «Հանձնվել չկա՛» գրքի հեղինակի հորդորը ընթերցողներին (տեսանյութ)