Միջազգային մամուլն ու գրաքննադատները՝ Գուզել Յախինայի «Զուլեյխան բացում է աչքերը» գրքի մասին (տեսանյութ)
Հրատարակումից անմիջապես հետո Գուզել Յախինայի դեբյուտը դարձավ բեսթսելլեր: Առաջին երեք տարիներին այս վեպը ցնցեց ռուսական գրական աշխարհը: Հեղինակի գրքերը հայտնվեցին միջազգային բեսթսելլերների կողքին: Զուլեյխան դարձավ բեսթսելլեր ամբողջ աշխարհում ու թարգմանվեց 23 լեզվով: Ըստ միջազգային քննադատների, Գուզել Յախինան Տոլստոյի, Բուլգակովի, Գոգոլի լավագույն ավանդույթներով ցույց է տալիս, թե մարդիկ որքան անզոր են պատմության հորձանուտում: Ահա թե ինչ է գրել միջազգային մամուլը «Զուլեյխան բացում է աչքերը» գրքի մասին:
Los Angeles Times
Գուզել Յախինան Լև Տոլստոյի լավագույն ավանդույթներով ցույց է տալիս, թե մարդիկ որքան անզոր են պատմության հորձանուտում։
Associated Press
Գրված է հարուստ և պատկերավոր լեզվով... Զուլեյխայի կյանքի պատմությունն անարդարության և ցավի մասին է, բայց նաև կապանքներից ազատվելու և վերածնունդ ապրելու պատում է:
New York Times Book Review
Գուզել Յախինայի «Զուլեյխան բացում է աչքերը» վեպը հիշեցնում է, թե որքան դաժան էր խորհրդային համակարգը… Վեպը հիանալի կերպով վերարտադրում է պատմական մի շրջան, որը հետզհետե մոռացության է մատնվում...
The Times
Հզոր պատում մարդկանց մասին, որոնք ընկել են 20-րդ դարի մեծագույն ողբեգություններից մեկի թակարդը։
Marjorie՚s World of Books, blog review
Սա ռուսական հզոր ասք է, որը համակողմանիորեն ներկայացնում է կյանքը կոմունիստական կուսակցության իշխանության տարիներին...
Financial Times
Յախինայի արձակը համոզիչ է: Զուլեյխայի իրատեսությունը և հարմարվելու ունակությունը գրավում են ընթերցողի ուշադրությունը: Որդու անսպասելի ծնունդը... և անօգնական կնոջից նրա փոխակերպումն ուժեղ գլխավոր հերոսի՝ սա Յախինայի վեպի առանձնահատկություններից մեկն է:
Մերսեդե Մոնմանի, ABC
Յախինան զարգացնում է իր կրակոտ, կինեմատոգրաֆիկ արձակը՝ ընթերցողին փոխանցելով իր կիրքը: Զուլեյխայի մասին հզոր վեպը չի կարող անտարբեր թողնել որևէ ընթերցողի:
Մանուել Աստուր, El Comercio-Cultura
Հիանալի և գերազանց վեպ՝ լոկ դրան նվիրվելու և մնացյալն անտեսելու համար։
Աննա Նարինսկայա, գրաքննադատ
Ռուսաստանում այս վեպը հզոր ալիքի պես ցնցեց գրահրատարակչական աշխարհը: Գուզել Յախինան զարմանալի ճշգրտությամբ փոխանցել է կանանց վերաբերմունքը սիրո հանդեպ: Ոչ թե սիրո առարկայի, այլ հենց սիրո հանդեպ:
Meduza
Յախինայի դեբյուտային վեպը հրատարակումից հետո առաջին երեք տարիներին այնպես ցնցեց ռուսական գրական աշխարհը, որ նրա երկրորդ գիրքը Դեն Բրաունի և Ջոջո Մոյեսի միջազգային բեսթսելլերների հետ գլխավորեց 2018-ի վարկանշային աղյուսակները...
Մոնիկա Զգուստովա, El Pas-Babelia
Յախինան զարգացնում է իր կրակոտ, կինեմատոգրաֆիկ արձակը՝ ընթերցողին փախանցելով իր կիրքը։ Զուլեյխայի մասին հզոր վեպը չի կարող անտարբեր թողնել որևէ ընթերցողի։
Ելենա Բալզամո, Le Monde des Livres
Գրական գեղեցիկ մեկնարկ՝ մեկտեղված են պատմողական ուժն ու հոգեբանական նուրբ խութերը։
Ժան-Բատիստ Սեբ, Etudes
Բնության դաժան և հագեցնող նկարագրությունները տրտմության երանգներ են հաղորդում պատմությանը, և սա ընթերցողին թույլ չի տալիս գիրքը ձեռքից վայր դնել:
Կարդացեք նաև
- Ինչու հենց Չուլպան Խամատովան մարմնավորեց Զուլեյխայի կերպարը (տեսանյութ)
- Բացառիկ հարցազրույց Գուզել Յախինայի հետ. ինչով կհետաքրքրի հայկական «Զուլեյխան» (տեսանյութ)
- Newmag-ը ներկայացնում է Գուզել Յախինայի «Զուլեյխան բացում է աչքերը» վեպի հայերեն հրատարակությունը (թրեյլեր)
- Տեղի ունեցավ Գուզել Յախինայի «Զուլեյխան բացում է աչքերը» վեպի հեռուստաշնորհանդեսը (տեսանյութ)
Էլիզաբեթ Բարիյե, Le Figaro
Հրատարակչական այս շրջանի լավագույն նորույթն է։ Ռուսական սիրելի գրական ժանրը չի մեռել այն ընթերցողի համար, որը գրքերում վեհություն ու կարեկցանք է փնտրում:
Ան Կիսել, Ouest France
Այս կնոջ կերպարը միաժամանակ և՛ սարափելի է, և՛ էկզոտիկ, և՛ լուսավոր: Նշանակալի վեպ է, որի հերոսուհին երկար ժամանակ հուզում է ընթերցողին: