Հայ գրողները՝ Նարինե Կռոյանի «Բելլա Բելլդոննա» գրքի մասին (տեսանյութ)

Գրողների միության նախագահ Էդվարդ Միլիտոնյանի խոսքով, Նարինե Կռոյանը  «Բելլա Բելլադոննա» գրքում ներկայացրել է ծանր, մղձավանձային մթնոլորտ՝ դիպուկ լեզվամտածողությամբ. «Հիանալի շարադրված գործ է, գրողն  ընտրել է ռեալիստական մեթոդ։ Դիպուկ, իրական դրվագները հրաշալի ներկայացրել է։ Ճակատագրին ևս անդրադարձել է՝ ցույց է տալիս, թե ինչպես է Բելլան ներքին ծանր վիճակն ինքնուրույն փորձում հաղթահարել ու ենթագիտակցության մեջ գտնել նոր ուղի»։

Գրողների միության անդամ Խորեն Գասպարյանը գիրքն առաջիններից է ընթերցել։ Ճանաչելով Կռոյանի ձեռագիրը՝ համոզվել է նախորդ գրքերից տարբերվում է. երկու շերտ կա՝ կենցաղի մեջ մոլորված հերոսուհին և ինտելեկտուալ մարդը. «Ներկայացրել է կնոջ, որ ապրում է մոր հետ, աշխատանք չունի ու ստիպված է մոր թոշակով առողջական ու սոցիալական խնդիրներ լուծել։ Մանրամասներն ի մի բերելով՝ ստանում է ընդհանուր պատկեր։ Մարդն ունի երազանք, բայց տառապում է ու իրականությունը հնարավորություն չի տալիս հասնել երազին։ Մի տպավորիչ միտք կա գրքում. Մենք այնտեղ ենք, որտեղ մեր երազներն են, այո՛, իսկապես, մենք այնտեղ ենք, որտեղ մեր երազներն են»։

Վանաձորում ապրող ու ստեղծագործող գրող Սամվել Խալաթյանը գիրքն ընթերցելու ընթացքում նկատել է՝ Կռոյանը վեպը մատուցել է նոր սյուժեով, հեղինակային խոսքի հետաքրքիր նրբություններով. «Նա հերոսների խոսքին տվել է հետաքրքիր կոլորիտ, ամեն մեկի համար առանձին կաղապար է օգտագործել։ Խորություն ունի Նարինեն։ Միկրոսկոպիկ ճշգրտությամբ արտահայտում է յուրաքանյուր դետալ։ Ինքդ էլ միշտ քո հոգում, քո ձգտումներում, մտքերում փնտրում ես մեկին, ու բացում ես գիրքն ու գտնում նրան՝ Նարինեի հերոսի մեջ»։

Կարդացեք նաև

• [Նոր գիրք, նոր հեղինակ] Վանաձորյան դրամա՝ կնոջ մենության, միալար ցավի ու մարող պայքարի մասին
• «Բելլա Բելլադոննա» գրքի հեռուստաշնորհանդեսը Արմենիա TV-ում 
• «Բելլա Բելլադոննա» գրքի շնորհանդեսը Վանաձորում 
• Նարինե Կռոյանը՝ ATV-ում
• Ո՞վ է «Բելլա Բելլադոննայի», հեղինակը. 10 փաստ Նարինե Կռոյանի մասին

Նարինե Կռոյանն իր գրքերի պատմություններն ու հերոսների նախատիպերը վերցնում է հենց Վանաձորից, իսկ թեմաները դարձնում համընդհանուր։ «Բելլա Բելլադոննա» վեպում ևս կերպարների նախատիպը վանաձորյան են, իսկ գրքում արծարծված թեմաները, խնդիրները՝ համամարդկային։

Կարդացեք նաև

• «Բելլա Բելլադոննա» գրքի եկեղեցին ու հոգևոր հայրը 
• [Հարցազրույց] Նարինե Կռոյանի և Newmag-ի գործակցության ու «Բելլա Բելլադոննայի» առաջին արձագանքների մասին (տեսանյութ)
• Ինչու է մենությունը դարձել «Բելլա Բելլադոննա» վեպի առանցքային թեման (տեսանյութ)
• «Բելլա Բելլադոննան» ուժեղ կնոջ ու ներդաշնակության մասին է. Նարինե Կռոյանի հարցազրույցը Հ1-ին (տեսանյութ)